12月18 -19日

返工當休息

2日都返左州際玩返4個鐘~

18日早上去左簽約, 試左新制服.

好正, 好似出街衫咁, 又唔會太肉酸, 係個好開始~

幾個星期無返黎玩, 又見返好多舊師兄,

又可以講我搵到酒店長工啦~ 等佢地羨慕下, 哈哈哈 !

12月17曰

四大名捕殺上冉蛇尖

過完LAST DAY, 訓左5個鐘, 今日就同世叔加三師兄弟再出巡西貢.

今次好難得地再次齊人, 一齊殺上西貢既最高峰 ~ 冉蛇尖 !

十點半左右齊人~ 跟住就搭小巴出發去西貢.

十二點正對錶準時開始 !

今日既目標 ~ 冉蛇尖

今日真係好湅, 一入到去開始行既時候仲打緊冷震.

但行行下又開始流汗, 開始熱啦~

開始上山 ~ 好大風, 吹到企唔穩, 又要向前行, 真係一步一驚心!!

上到一半, 開始好斜, 要用手爬, 仲好驚險, 幾位師兄弟都刮到流血...

上到最接近山頂既地方, 心諗好快就到, 可惜... ...

由於要趕四點船, 又怕落黎天都黑, 最終決定放棄, 好可惜, 同唔抵 !

已經望到, 好近, 但未能一嘗征滋味... 收隊

食左陣雞翼就落山LU ~ 由於太斜...都係好多驚險鏡頭 .

落到山腳頭都亂曬 ~

跑返去趕船, 好彩最後都趕到 !

出返西貢大家就散LU ~ 之後得我同追命冷血食飯~

如果下次再可以齊人, 真係一定要征服山頂呀!

12月16日

Nino's 的最後一天 第七十三天 完結篇

一日等一日, 已經唔知返工做咩~ 終於最後一日.

中午經理要我請食飯, 我無所謂... 點知食左500蚊.

諗住都要比, 唉, 算啦~ 點知經理自己請返, 志在玩我姐, 好彩 !

晚上大家都知我最後幾個鐘, 都過黎同我傾計,

d 呀姐話唔捨得我, 廚房d人都話好可惜~又走一個,

同我傾得兩句既樓面同事叫我比心機去酒店學野,

我都請左幾個人食朱古力~ 成個氣氛都唔同曬,

唔捨得 ? 都係既~ 都做左2個月, 但d人五時花六時變,

時間長又辛苦, 人工都係一般~ 唔做啦, 話我唔捱得都係咁講啦~

終於可以講 : 我唔撈啦 ~

走出門口覺得鬆一口氣, 這七十三天都算係一個經歷,

比我做返長工, 適應返一日做十一二個鐘~

熱身完, 都要上路了, 重投酒店, 再努力博殺 !

再見 Nino's ~

12月11-15日

Nino's 的第六十八天 至 七十二天 最後六天

最後既六日, 諗仕都係hea 住過, 原本諗住d人知我走會對我更加刻薄.

結果反而係無. 只係得閒問下我係咪走, 會做邊度咁.

可能終於知我唔係係度長做, 一早諗定後路, 反而覺得無人再做跑腿, 後悔了.

日日都玩下d蝦, 佢比我擺左係缸邊, 唔上唔落 ~ 哈 !

好大隻龍蝦 ~ 一分鐘後就落左獲lu ~

平時傳菜位~ 好得閒, 有菜傳先有野做

12月10日

Nino's 的第六十七天 七日請辭

早上約左時間去驗身, 同以前做美麗華一樣, 咩都驗...好煩.

仲要七點起身, 好眼瞓, 無計, 要入酒店, 係必須的.

驗屎, 尿, 血壓, 視力, 血, 同照肺, 攪個一個鐘, 十一點就返Nino's lu ~ ~

今日終於遞信, 驚經理唔識睇中文, 用芵文寫!

諗定對白,答案,同佢既反應, 照直同佢講搵到工! 結果係出奇既順利.

好開心聽到佢話:好呀~做酒店,去試下啦!

咁就開始我既最後七日Nino's 既旅程 ... ...

我既第二份糧 ~ 8500出足 ~